Ej’m’in saquerai

Sur l’air de I will Survive – Perren & Fekaris
Adaptation picarde : Jean-Marie François

Au cminchmint, j’avoais peur :
J’étoais épeutè !
Ej pinsoais point povoér vive sans ti,
Lo, au côtè d’mi,
Pi j’ai rpinsè à tous chés nuits
A ch’mau qu’tu m’os foait à mi.
Mais j’ai djéri,
Pi j’ai cminchè à m’erdrécher !

Achteure t’ervlo, Satchè d’neune pèrt,
J’ai rintrè : t’étoais lo, dvant mi,
Aveuc chol tristèche din tes zius !
J’éroais dû canger chol serrule,
Seur, j’éroais dû t’erprin-ne chol clé,
Si jamoais j’éroais pinsè qu’ti
Tu sroais rvénu pour em foaire braire !

Vo, achteure, vo !
Avanche déhors,
Pi vo-t’in d’ichi !
Mi j’én veux pu jamoais t’vir :
Ch’est-ti point ti qui voloais m’tuer
A coeups d’adès ?
Croés-tu qu’éj m’in vos tchèr,
Qu’éj m’in vos m’coutcher pi morir ?

Oh non, point mi : Ej m’in rmettrai !
Sié, tant qu’i m’restro coér éd l’amour,
A donner, à rchuvoér,
Mi j’ai coér tout m’vie dvant mi,
Tellemint d’amour din min tchoeur,
Qu’éj m’in rmettrai,
Ej m’in saquerai !
Hé ! Hé !

MUSIQUE

Ej prie ch’bon diu qu’i m’donne el forche
D’én point tchèr à terre
Pi d’tracher à rtcheude min tchoeur
Berzillè in mille morcieux !
J’avoais passè, oh, tellemint d’nuits,
Pinsant qu’toute étoait fini :
J’faisoais que d’braire !
Mais achteure mi j’erdrèche em tête,

Rbèe in face ed ti :
Ch’est quiqu’un d’eute !
Ej sus point chlo qu’tu pinses :
Paure sosotte intchaînèe à ti,
Ti tu croéyoais qu’éj t’attindroais,
Mais mi achteure j’m’ai détatchèe :
Achteure min tchoeur, mi, j’m’in vos l’warder
Pour échti qui séro l’tcheur !

MUSIQUE