Juste qu’un rigolo

Sur l’air de « Just a Gigolo » – Casucci & Brammer

Mi j’sus qu’un rigolo, un wèpe du 8-0
Din toutes chés soérèes, peut qu’mantcher,

A peine j’sus-t-arrivè, chés fius sont pliès,
Oh, pi chés filles !
Seur, j’les foais rigoler, mais point eune qui pinsroait
A m’donner un bout d’sin tchoeur
Toudi boin qu’à foaire el’zozo,
Mi j’sus juste qu’un rigolo
L’grind amour… rbèe ailleurs !

Mi j’sus qu’un rigolo, un wèpe du 8-0,
Pi din toutes mes ramintuveries,
Quand j’foais mes discours,
Rimplis d’mots d’amour,
Meume chol vaque al rit !
Du coeup j’ai tout mantchè,
J’n’ai jamoais tatchinè Reubeudeubeuh
Eune ablète o eune seuris !
Quante j’m’in vos défuncter,
J’srai coér lo à m’laminter,
El belle vie… vit sans mi ! ‘coute cho !

Aïe… Chl’amour mie pour mi !
Oui min fiu, ni l’matin ni l’midi,  
Ni l’lundi ou l’sinmdi !

Aaaaa… cht’eure j’sus tout rfroédi,
Pi tout est gris, gris seuris.
Vingt diux, mi j’n’in vodroais
Eune, qu’ale s’roait plus à mi
Qu’à zz’eutes, nom des eus !

Pi j’li cantroais ! Pour elle seulmint
Toutes mes canchons,
Canchons d’imbleyeux,
Canchons de d’grind fléyeux (Qu’ale font) :

Hey biloute, quante cha flotte,
Mets des bottes
!

Aie…. Chl’amour mie pour mi,
Oui min fiu ! Ni dins l’cour, ni l’gardin
Ni au soér ni l’matin…

Ni l’lundi ni l’sinmdi,
Jamoais chés diminches…
Ni quant il pleut, edssous ch’solé,
Jamoais d’tindreche , oh peut qu’mantcher !


Humalé Dabélé Zubélé Dibili Bop !!

Aie ! Chl’amour mie pour mi,

Oui mn fiu, Ni dins l’cour, dins ch’gardin
Ni au soér, ni l’matin…

Aaaaa… cht’eure j’sus tout rfroédi,
Pi tout est gris, gris seuris.
Vingt diu j’n’in vodroais bien
Eune, qu’ale s’roait plus à mi
Qu’à zz’eutes, nom des eus !

Pi j’li cantroais pour elle seulmint
Toutes mes canchons
Alors al sroait pour mi,
Ah oui, ah oui, al sroait pour mi :

Min bieu tchot reuve
Em tchote folie

Em douche mitan
Min Safari !
Min tiot bout d’chuque
Min tiot pingeon
Min clair éd leune
Min coeup d’cotron !

Mi j’comprind point
A coeuse ed quoè ?
I n’o point eune
Qui veuche m »aimer

Feut qu’ej fuche quoè ?
J’nin sais mi rien
Dev’nir boudhiste ?
Minger du tchien ?

Chuis point l’plus moche
Chuis point l’plus bête
Tout simplémint
Feudroait pétète
Feudroait seulemint
Qu’j’arrête ed voter à droète !